الجمعيات الشرعية مغرقه القرى والمراكز وفكل حته
الجمعيات الخيرية اشكال والوان بيعملها اهل خير واصحاب اعمال ومسئولين وناس بالهبل
جمعية رسالة بتقدم مساعادت للمحتاجين
جمعية الاورمان بتقدم مشاريع للاسر الفقيرة
جمعية صناع الحياة عندها مشروع انسان لمساعدة الاسر الفقيرة
حزب الدستور بدا مشروع لمنع العشوائيات
وبردوا لسسسسسسسسسسسسسسسسسسسسه مصر فيها فقر
هو مش ده معناه ان مفيش اي تنسيق لاي عمل فيه خدمه حقيقية ونهضة حقيقية وتنميه فعليه للوطن؟؟؟؟؟
هو ده مش معناه ان العمل ده كله مجرد تسليه لوقتنا فالحياة بدون مايكون ليه تأثير حقيقي ؟؟؟
من امتى الجمعيات دي مفتوحه؟؟؟؟ قدرت تغير قد اي فالمجتمع المحيط؟؟؟
ساهمت فانهي نهضة فالمجتمع بتاعها؟؟؟ كلها اسئلة مشروعة........لاعمال خيرية وتطوعية بالعبيط..........والنتيجه ...مصر هي هي زي ماهي اي هو دور المجتمع المدني وخاصة الجمعيات الخيرية التطوعية فكل اللي احنا فيه ده؟؟
***************************************
قيمة العمل الخدمي بنتيجته في تغير المجتمع واحداث فرق
اضعف الايمان فالعمل التطوعي هو رسم ابتسامة على وجه محتاج
بس مش ممكن تبقى فكرة رسم الابتسامة هي بقت الهدف الاساسي دلوقتي لاي عمل موجود
رسم الابتسامه اه هو الهدف الرئيسي حتى لو لفتره مؤقته بس ليه منخليهاش لفترات دائمه
ليه ميكنش في مشاريع لاعادة تدوير المجتمع ومكافحة اخطائه واساليبه اللي كلنا بنشتكي منها باسلوب كامل وناجح يحقق النهضة للمجتمع وفنفس الوقت يحقق المنفعه والمكسب للاسرة اللي بيتم مساعدتها
ليه الجمعيات الكثيرة جدا جدا جدا جدا دي ميكونش فيها تعاون وتنسيق حقيقي(مش ورقي او دعائي او تنسيق بنفوس مش مرتاحه او صافيه) لتحقيق تكامل حقيقي للوصول لنتيجه
هو اي الجميل اننا نقول ان الجمعيه الفلانيه علمت كام امي ولا الجمعيه التانيه وصلت لكام محتاج ولا قدرنا نوصل كام قطعة ملابس للناس......بدون مايكون في تغيير في ثقافة افراد المجتمع بدون مايكون في تعديل في افكار الناس...سواء المتطوعين اللي هما هما كل سنه وبيبذلوا نفس المجهود بدون اي تغير او تطوير او تحديث او للحالات اللي بردوا هي هي نفس الحالات بتاخد نفس المساعادت كل شهر بنفس الطريقه وبنفس الكمية ويمكن كمان عدد الحالات تزيد وكمية احتياجاتها بتزيد بس بدون مايكون في تغير لحالة الحالة او تحسين ليها بشكل حقيقي
هو المشكله فيها طرفين...............
اولا فكرة الجمعيات القائمه على مساعدات قصيرة المدى
ثانيا فكرة الناس نفسها سواء المتطوعين او الحالات
فكرة ((التنمية المستادمة)) هي الحل........بس تطبيقها على ارض الواقع ضئيل جدا ده بعكس ان بقا يتم استخدام المصطلح لوصف مشاريع اساسا مهياش انتاجيه او بتساعد على تغير حالة الفرد بس بتظلم المجتمعلانها بتزود الاستهلاكية بدل ماتساعد على رفع الانتاجيه
هو اي دور المجتمع المدني في الحقيقة؟؟؟؟؟ هو انه يقدم مساعدات وخلاص؟؟؟ ولا انه يطور المجتمع ويشارك في احداث تغيير؟؟؟
هو انه ينتقد تقاعس الحكومات وفشلها في حل الازمات؟؟؟ولا انه يقدم دراسات وابحاث ومشاريع حقيقية في كيفية مواجهة المشاكل؟؟؟وكماااااان يعملها تطبيق على مستوى المجتمع المحلي المحيط بنشاط الجمعية او المؤسسة التطوعية ؟؟؟
ليه اصبحنا بنحب اوي الخير القصير وبنبصش للخير طويل المدى.....ليه اغلبنا بقا يحب يشوف فرحة المحتاج اللحظية اللي ممكن بعدها بشويه تروح بعد ما خلاص ياخد الشنطة او ياخد قطعة الملابس ويرجع يكمل في عجله الحياة بكل مشاكلها(انا مبقللش من قيمة العمل الخدمي قصير المدى بالعكس ده هو الاساس بس بتكلم ان الموضوع بقى مستفحل اوي وبقى الاعتماد الاكثر عليه وده بيزود ضرر المجتمع وبيقلل استفادته ومبيحققش اي نتائج ايجابية في فكرة التنمية)
*****************************
لازم نحاول نخلق لينا دور حقيقي في احداث تغير جذري او وضع نواة لاحداث هذا التغير في الفترات القادمة
انما استمرار التعامل مع فكرة العمل الخيري على انه مسكنات ومساعدات قصيرة المدى ده مبقاش ليه اي لزمه بشكل كبير
المساعادت قصيرة المدى لازال ليها دورها وهتفضل مستمره.......بس لام بردوا على التوازي نتحرك في افكار لاحداث تغيير وتحقيق تنمية على اقل تقدير في وسط المجتمع المحيط بينا كافراد .........
فكرة المساعدات طويلة المدى للي نتيجتها بتظهر خلال فترات طويله من خلال تغيير ثقافة المعيشة للحالة ثقافة الحياة لافراد الاسرة المحتاجه هي دلوقتي الاهم والاجدر بالاهتمام
***********************************
حد فاهم اي حاجه؟؟؟؟؟؟؟(((اسعد جدا بمشاركة اصدقائي للمناقشة والحديث في هذا الموضوع باي تعليقات)))
ليست هناك تعليقات:
إرسال تعليق